هەوڵە دیپلۆماتییەکان بۆ کۆتایی هێنان بە شەڕی رووسیا-ئۆکراینا بەردەوامە و شاندەکانی ئۆکراینا و ئەمریکا بۆ گفتوگۆ لەبارەی پلانی ئاشتی کۆتایی ئەم هەفتەیە کۆدەبنەوە.

ڤلادمیر زێلێنسکی سەرۆکی ئۆکراینا ڕاگەیاند، بۆ گفتوگۆ لەبارەی پلانی کۆتایی هێنان بە شەڕ شاندەکانی ئەمریکا و ئۆکراینا کۆتایی ئەم هەفتەیە کۆدەبنەوە.

زێلێنسکی وتی، "تیمەکەمان لەگەڵ نوێنەرانی ئەمریکا لەم کۆتایی هەفتەیەدا کۆدەبنەوە بۆ بەردەوامبوون لە تاوتوێکردنی ئەو کێشانەی کە لە دانوستانەکانی جنێڤەوە سەرهەڵدەدەن و ئەو هەنگاوانەی کە لە ئاشتی و گەرەنتی ئاسایش نزیکمان دەکەنەوە. کۆبوونەوەیەک لە نێوان شاندەکاندا ئەنجام دەدرێت. شاندی ئۆکرانیا ئامادەکارییەکی باشیان دەبێت و سەرنجیان لەسەر کاری مانادار دەبێت."

زێلێنسکی زانیاری لەبارەی ئەوەی کە کۆبوونەوەی ئەمریکا و ئۆکرانیا لە کوێ بەڕێوەدەچێت، نەخستەڕوو.(İLKHA)